عن المبادرة

يعطيكم العافية يا جماعة الخير.

فكرة Webez Community إجت من الحاجة لمساحة تساعد الطلاب يعرضوا مهاراتهم ومشاريعهم بطريقة مرتبة، بدون ما يحتاج كل طالب يبني موقع من الصفر أو يتحمل تكاليف موقع مستقل.

الـ Portfolio بساعدك تعرض شغلك وإنجازاتك، وتقدم دليل عملي على المهارات اللي بتذكرها بالـ CV.

ومن خلال خبرتي بالمواقع والـ SEO، رح أساعد الطلاب بإنشاء بروفايلاتهم ونشرها بطريقة منظمة تساعدهم يبنوا حضورهم الرقمي مع الوقت. وبنفس الوقت، الفكرة إنها تكون مساحة نتعلم فيها من بعض، ونتشارك الأفكار، ونشتغل على مشاريع عملية.

رح نبدأ بإشي بسيط ونطوره تدريجيًا حسب احتياجاتنا، وممكن مع الوقت تتوسع مشاركة الطلاب لتشمل تطوير الموقع وإدارته. الهدف إننا نتعلم بالتطبيق، ونبني شغل حقيقي نقدر نعرضه ونستفيد منه لقدام.

زيد الساحلي